កំពង់ឃ្លាំង ទីប្រជុំនៃវប្បធម៌ទេសចរណ៍


ទិដ្ឋភាពទូទៅ

កំពង់ឃ្លាំង មានទីតាំងស្ថិតនៅភាគជើងនៃទន្លេសាប មានចម្ងាយ ៥៥ គ.ម ពីក្រុងសៀមរាបហើយក៏ជាកន្លែងដែលមានការចាប់អារម្មណ៍ផ្នែកទេសចរធម្មជាតិផងដែរ។ ក្នុងមួយរយៈនេះ កំពុងឃ្លាំងបានកែប្រែមុខមាត់របស់ខ្លួនប្លែកជាងមុខផ្នែកការអភិវឌ្ឍន៍ភូមិឃុំ។ប្រជាជននៅកំពង់ឃ្លាំងប្រកបអាជីពជាអ្នកនេសាទទាំងនៅរដូវវស្សានិងរដូវប្រាំង ចំណែកការដាំដុះត្រូវបានប្រកបនៅរដូវខែប្រាំង។  ដោយភាពប្រែប្រួល ប្រជាជននៅកំពង់ឃ្លាំងបានធ្វើដំណើរមករកការងារធ្វើនៅតំបន់គោក ទីក្រុងនិងបណ្ដាប្រទេសជិតខាង ទាំងនេះដើម្បីជីវភាពការរស់នៅ។កំពង់ឃ្លាំងជាឈ្មោះឃុំផង និងជាឈ្មោះភូមិផងដែរ តែភាគច្រើនត្រូវបានគេហៅឈ្មោះកំពុងឃ្លាំងទាំងអស់ តាមពិតទៅគឺត្រូវបានបែងចែកជាភូមិតូច ធំ ចំនួន ១០ ភូមិ ដូចជាភូមិព្រែកស្រមោច ដូនត្ដី ស្ពានវែង ត្អួរសរ ផ្សារកំពង់ឃ្លាំងក្រោម ផ្សារកំពង់ឃ្លាំងលើ ភូមិរទាំង ចំការយួន ទូលតាចេត្រនិងភូមិចុងស្រុក (ចុងប្រឡាយ)។

មណ្ឌលអប់រំ

14064052_10206871262685985_4644282380659572789_n

ផ្នែកបណ្ដុះបណ្ដាលសតិបញ្ញា ការសិក្សា កំពង់ឃ្លាំងមានសាលារៀនបឋមសិក្សានិងអនុវិទ្យាល័យស្ថិតនៅវត្ដកំពង់ឃ្លាំង ហើយក៏មានសាលារៀនបឋមសិក្សាបណ្ដែកទឹកសម្រាប់អប់រំកូនចៅរបស់ប្រជាជននៅទីនោះផងដែរ។សាលារៀននោះហៅឈ្មោះថាសាលារៀនបឋមចុងប្រឡាយកើតឡើងដោយគំនិតផ្ដួចផ្ដើមរបស់កល្យាណមិត្ដសូវ៉ាត និងគឹមរដ្ឋា និស្សិតនិងព្រះសង្ឃ។សាលារៀននោះទើបតែដាក់ឲ្យប្រើប្រាស់ជាផ្លូវការកាលពីថ្ងៃទី ១៧ ខែសីហា ឆ្នាំ ២០១៧។

14080059_10206871450210673_7484719203139041921_n

មណ្ឌលវប្បធម៌

នៅទីនេះ យើងនិយាយអំពីវត្ដកំពង់ឃ្លាំង។ដោយសារវត្ដមានតួនាទីច្រើនយ៉ាង ដោយខ្លីគឺវត្ដជាកន្លែងមជ្ឈមណ្ឌលអប់រំ ១ ជាមណ្ឌលថែរក្សាសុខភាពផ្លូវចិត្ដ ១ ជាទីជំនួបប្រជុំរវាងពុទ្ធបរិស័ទមកពីគ្រប់ទិសទី ១ ជារមណីយដ្ឋានសម្រានកាយនិងផ្លូវចិត្ដ ១ និងជាមណ្ឌលវប្បធម៌ ១ ជាកន្លែងស្វែងរកបុណ្យ សួគ៌និព្វាន។

14117980_10206871259805913_8875079384230662273_n

វត្ដកំពុងឃ្លាំងក៏ដើរតួនាទីដូចបានពោលខាងលើ។ព្រះវិហារត្រូវបានកសាងយូរមកហើយ ព្រះគ្រូចៅអធិការបានថេរដិកាប្រាប់យើងថាតាំងពីក្មេងមកធ្លាប់បួសនៅទីនេះ មានន័យថាវត្ដនេះ ព្រះវិហារនេះត្រូវបានកសាងយូរជាងអាយុរបស់ចៅអធិការដែលព្រះមានព្រះជន្មជាង ៧០ ព្រះវស្សា។

14067655_10206871217524856_7380823895936849886_n

ក្នុងបរិវេណវត្ដ យើងសង្កេតឃើញមានសាលាអនុវិទ្យាល័យ បឋមសិក្សា ព្រះវិហារ កុដិតូចធំ ចេតិយ បណ្ណាល័យ និងសំណង់ផ្សេង ៗ ទៀត។ ក្នុងរយៈ ២ ទៅ ៣ ឆ្នាំនេះ ព្រះសង្ឃនិងពុទ្ធបរិស័ទចំនុះជើងវត្ដបានពង្រីកដីវត្ដកាន់តែធំជាងមុខជាហេតុធ្វើឲ្យមានកន្លែងសម្រាប់ហាត់ប្រាណ លេងកីឡា និងជាទីសំចតរបស់អ្នកទេសចរណ៍មកទស្សនាមើលនូវផ្ទៃទស្សនីយភាពផ្សេង ៗ ដែលមានចលនាលើផ្ទៃទឹកនិងការរស់នៅរបស់ប្រជាជននៅទីនោះ។

ទេសចរណ៍ធម្មជាតិ

14022196_10206871428810138_5018344959382165334_n

យើងអាចចាត់បានថា កំពង់ឃ្លាំងជាកន្លែងទេសចរណ៍ធម្មជាតិដ៏សំខាន់ មិនចាញ់ជាងកំពង់ផ្លុក និងរមណីយដ្ឋានបុរាណផ្សេង ៗ ក្នុងទឹកដីសៀមរាប។ អ្នកទេសចរណ៍ជាតិ និងអន្ដរជាតិ មកទីនេះ អាចស្វែងយល់ដឹងអំពី៖

14067630_10206871284166522_6088036485555217151_n

១. ការរស់នៅរបស់ប្រជាជននៅទី ដែលមានផ្ទះតូចធំនៅតាមមាត់ទឹក ឬបណ្ដែតទឹក ។ភាគច្រើន អាជីពរបស់ប្រជាជននៅទីនេះគឺនេសាទត្រីក្នុងរដូវវស្សានិងរដូវប្រាំងផងដែរ ចំណែកការដាំដុះដំណាំដូចជាសណ្ដែក ពោតល្ង ត្រសក់ ត្រឡាច ល្ពៅជាដើម ត្រូវបានដាំក្នុងរដូវទឹកទន្លេស្រក។ ដោយភាពប្រែប្រួលនៃអកាសធាតុ ធ្វើឲ្យប្រជាជន នៅទីនេះប្រឈមមុខនឹងបញ្ហាការរស់នៅ ជាហេតុធ្វើឲ្យអ្នកខ្លះត្រូវធ្វើការបន្លាស់ទីទៅរកការងារធ្វើនៅតាមបណ្ដាខេត្ដក្រុង និងប្រទេសជិតខាង។

14089087_10206871287206598_5688286761613211536_n

២. អ្នកទេសចរអាចគយគនមើលនូវផ្ទាំងទស្សនីយភាពសំខាន់ ៗ ដូចជា សំណង់នៃផ្ទះ ការធ្វើដំណើរប្រកបអាជីពរបស់ប្រជាជនតាមដងទន្លេដោយប្រើទូក កាណូត។ មិនត្រឹមតែប៉ុណ្ណោះ អាចទស្សនាមើលដើមព្រៃប្រឹក្សានិងសត្វទឹកផងដែរ។ការយល់ដឹងអំពីជីវិតតាមដងទន្លេសាប ជាផ្នែកមួយសំខាន់ដែលមិនអាចរំលងបាន ហើយអាចប្រើឧបករណ៍ថតយកផ្ទាំងទស្សនីយភាពទាំងនោះដើម្បីទុកជាអនុស្សាវរីយ។

៣. អ្នកទេសចរអាចចូលរួមជាចំណែកនៃការលើកកំពស់គុណភាពជីវិតរបស់ប្រជាជននៅទីនោះ ដោយការទិញវត្ថុអនុស្សាវរីយ៍ របស់ហូបចុក និងចូលរួមបរិចាគដើម្បីឧបត្ថម្ភសាលារៀនបណ្ដែតទឹក។

ក្នុងដំណើរទស្សនកិច្ចរបស់យើង ក្រុមយុវជនយើងនិងព្រះសង្ឃបានចូលរួមបង្កើតសាលារៀនបណ្ដែតទឹកមួយខ្នង ឈ្មោះថាសាលារៀនបឋមសិក្សាចុងប្រឡាយ។ សាលារៀនចូលរួមចំណែកសំខាន់ក្នុងការអប់រំដល់កូនចៅប្រជាជននៅចុងប្រឡាយ ក៏ដូចជាភូមិដែលនៅក្បែរនោះផងដែរ ជាការកាត់បន្ថយភាពមិនចេះអក្សរ និងបង្កើតការយល់ដឹងដ៏ត្រឹមត្រូវ។

14080087_10206871453930766_3921844048894568992_n

 

 

 

About SOTHEA YON

Siem Reap Province, Cambodia Education: BA: Public Administration MA: Buddhist studies Like: Humanitirian work Research Tel: +85516401645 Email: sesimereap@gmail.com https://www.facebook.com/sothea.yon

Posted on ខែសីហា 24, 2016, in ជីវិតតាមទស្សនៈព្រះធម៌. Bookmark the permalink. បញ្ចេញមតិ.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: