>សុភាសិតទី១០៥


>

សប្បុរសយល់ដោយមុខ ស៊ុកគ្រលុកពេកពុំជា
អត្ថាធិប្បាយ
            នេះជាពាក្យប្រៀនប្រដៅកូនចៅក្នុងរឿង”ធ្វើបុណ្យឬធ្វើទាន”ដក់ស្រង់ចេញពីសាស្ត្រាច្បាប់កេរ​កាល ។
            បើយើងតាំងខ្លួនជាមនុស្សសប្បុរស : អាណិតអាសូរអ្នកដទៃ ជួយទំនុកបំរុងអ្នកខ្សត់ខ្សោយ ។ល។ នោះត្រូវឲ្យមានកំរិត មានព្រំសីមា… កុំចេះតែប៉ាតណាប៉ាតណី ។ គួរពិនិត្យមើលជាមុន ហើយពិចារណាថា តើគួរឲ្យ គួរជួយឬមិនគួរ ។ ហេតុអ្វី? ព្រោះអំណោយ ដែលយើងឲ្យចំពោះមនុស្សដែលមិនគួរឲ្យ វាអាចផ្តល់ លទ្ធផលមិនល្អដល់អ្នកឲ្យនិងអ្នកទទួល ។ យ៉ាងណាមិញ , បើយើងឲ្យស្រាទៅ មនុស្សប្រមឹក , វានឹងជួយឲ្យ​មនុស្ស​នោះ កាន់តែប្រមឹកខ្លាំងតទៅទៀត នាំផល អាក្រក់ដល់កូនប្រពន្ធរបស់គាត់នោះ ។ បើយើងឲ្យប្រាក់ទៅមនុស្សម្នាក់ដែលត្រូវការប្រាក់នោះយកទៅលេងល្បែង , វាអាចនឹងជួយមនុស្សនោះ ឲ្យ​កាន់​តែហិន ហោចខ្លាំងថែមទៀត ព្រោះល្បែង គឺជាអំពើអបាយមុខ ។
            ” ស៊ុកគ្រលុក ” មានន័យថាឥតសណ្តាប់ធ្នាប់ , ខ្ជីខ្ជា , កញ្ជះកញ្ជាយ , ច្របូកច្របល់… ។
            ជនណាម្នាក់ ដែលជាមនុស្សប្រកបដោយទឹកចិត្តសប្បុរសគ្មានព្រំប្រទល់គឺថាគ្មានរបៀបរៀបរយ​ខ្ជីខ្ជាគ្មាន​យល់​​​​​មុខ ហើយត្របូកច្របល់ ប៉ាតណាប៉ាតណីដែលគេឲ្យឈ្មោះ ស៊ុកក្រលុកនោះ,ជននោះ លោកចាត់ទុកថា “ពុំជា” បានសេចក្តីថា ” មុខជាឈឺហើយ​ ! ” ។
            ហេតុនេះ,គួរយល់ថា កិច្ចការអ្វីក៏ដោយ តែងមានព្រំសីមា ដែលជាកម្រិត សម្រាប់គ្រប់កិច្ចការ ។ ការស្គាល់នូវព្រំសីមា មិនខុសពីការបង់អំបិលទៅក្នុងសម្លនោះទេ ។ រឿងលំបាក ត្រង់ចំណុចថា តើត្រូវបង់​ប៉ុន្មាន ដើម្បីឲ្យសម្លនោះឆ្ងាញ់ ។

(រសជាតិភាសាខ្មែរ)

About SOTHEA YON

Siem Reap Province, Cambodia Education: BA: Public Administration MA: Buddhist studies Like: Humanitirian work Research Tel: +85516401645 Email: sesimereap@gmail.com https://www.facebook.com/sothea.yon

Posted on ខែ​មេសា 24, 2011, in ជីវិតតាមទស្សនៈព្រះធម៌. Bookmark the permalink. បញ្ចេញមតិ.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: